Denne våren er det 150 år sidan Bø kyrkje blei innvia. Vi feirar med eit rikholdig program i mai. VELKOMMEN!
Her er informasjon om alle arrangementa:
Fyrstkomande helg fortset jubileumsfeiringa i Bø kyrkje med open øving på lørdag føremiddag. Her er alle som tenkjer seg på gudstenesta søndag invitert til å øve litt på folkemusikkliturgien. Dette blir ei uhøgtideleg, men nyttig øving saman med korleiar Grete og organist Gudrun. Messa blir leia musikalsk av kyrkjekoret, orgel og hardingtrio(!): Sunniva Langås-Røiland på hardingfele, Angelika Karsrud på hardingbratsj og Helene Waage på hardingcello.
Etter øvinga blir det boklansering på Bø bok og papir, der forfattar Nils Ivar Agøy vil presentere boka «Den unge dottera på Bøhaugen». Søndag er det jubileumsgudsteneste i form av folkemusikkmesse. Det blir også gjensyn med mange tidlegare tilsette i Bø kyrkjelyd. Etter gudstenesta er heile kyrkjelyden invitert på kaffe og ein matbit.
Parkering ved kyrkja er begrensa, så vi oppmodar til samkøyring, sykling, ta beina fatt, eller til å parkere i sentrum.
